لاڙڪاڻو( محمد عاشق پٹھان) آءِ جي موٽروي خالد محمود طرفان شروع ڪيل نو مور مهم جي سلسلي ۾ روڊ تي سفر ڪندڙن جي مدد ڪري انهن جي سفر کي اسان ۽ محفوظ بڻائڻ لاءِ ايڊيشنل آءِ جي سلطان خواجا ۽ ڊي آءِ جي جاويد علي مهر پاران ڏکڻ زون جي سمورن سيڪٽرز حيدرآباد، سڪرنڊ، سکر، لاڙڪاڻو، سيوهڻ، ڪراچي ۽ حيدرآباد موٽر وي تي موڪلن جي ڏينهن خاص ڪري ڇنڇر ۽ آچر تي اضافي آفيسرن کي مقرر ڪيو ويو آهي ته جيئن روڊ استعمال ڪندڙن جي مدد ڪئي وڃي. ان سلسلي ۾ انڊس هاءِ وي لاڙڪاڻو جي سيڪٽر ڪمانڊر عطا الرحمان جي نگراني ۾ ڊي ايس پي هيڊڪوارٽر اسد الله ابڙو، ڊي ايس پي خالد نواز، ڊي ايس پي ديدار حسين، ڊي ايس پي عبدالصمد رتوديرو طرفان موٽروي پوليس سان گڏجي رتوديرو ۽ ميهڙ ٽول پلازه تي روڊ سيفٽي پروگرام ڪيا ويا. ان موقعي تي موٽر وي پوليس عملدارن جي عملدارن جو چوڻ هو ته موڪلن دوران اڪثر نيشنل هاءِ وي ۽ موٽر وي تي گاڏين جي رش رهي ٿي، ان لاءِ نيشنل هاءِ وي تي موجود سمورن ٽول پلازا ۽ گائيڊنس سينٽرن تي موٽر وي پوليس جي وڌيڪ آفيسرن کي مقرر ڪيو ويو آهي، جيڪي روڊن تي روڊ سيفٽي بريفنگ ڏئي رهيا آهن جن ۾ روڊ سيفٽي بابت پمفليٽ، بوڪليٽ، اسٽيڪر ڏنا پيا وڃن ان کان علاوه اسٽال پڻ لڳايا ويا آهن جيئن ڊرائيورن ۽ مسافرن کي وڌ کان وڌ آگاهي ملي سگهي. ڊي آءِ جي موٽر وي پوليس چيو ته روڊن تي سفر کي آسان ۽ محفوظ بڻائڻ لاءِ موٽر وي پوليس جا اهلڪار 24 ڪلاڪ روڊن تي موجود آهن، ڊرائيور به موٽروي پوليس جو ساٿ ڏين ۽ گاڏين کي احتياط ۽ قانون موجب هلائين جيئن حادثن تي مڪمل ڪنٽرول ڪري سگهجي.
===============
Load/Hide Comments