*جناح سنڌ ميڊيڪل يونيورسٽي ۾ ننڊ جي عالمي ڏينهن ۽ عورتن واري عالمي ڏينهن جي تقريب: برابري ۽ ڀلائي جو پيغام*
”جسماني ۽ ذهني صحت لاءِ ننڊ ايتري ئي ضروري آهي جيتري خوراڪ ۽ ورزش.“ پروفيسر اقبال آفريدي
جناح سنڌ ميڊيڪل يونيورسٽي (JSMU) ۾ ننڊ واري عالمي ڏهاڙي ۽ عورتن جي عالمي ڏهاڙي جي تقريب ڪوٺائي وئي، جنهن ۾ پاڪستان ۾ عورتن کي ايندڙ مسئلن ۽ مڪمل ننڊ جي صحت تي فائدن بابت آگاهي ڏني وئي. تقريب ۾ ماهرن، فيڪلٽي ميمبرن ۽ پاليسي سازن شرڪت ڪئي ۽ انهن اهم مسئلن تي ڳالهه ٻولهه ڪئي.
ماهرن ٻڌايو ته پاڪستان ۾ عورتن جي خواندگي جي شرح 51 سيڪڙو تائين پهچي چڪي آهي، جڏهن ته مردن جي شرح 72 سيڪڙو آهي، جيڪا عورتن لاءِ تعليم تائين مساوي رسائي جي ضرورت کي ظاهر ڪري ٿي. قومي اسيمبلي ۾ عورتن جي نمائندگي به محدود آهي، جتي صرف 20 سيڪڙو سيٽون عورتن وٽ آهن.
