ڪراچي / وزيراعليٰ هائوس / 4 مئي 2025ع
وزيراعليٰ سنڌ سيد مراد علي شاه جي هدايت مطابق ٽريفڪ قانونن جي خلاف ورزي خلاف سخت ڪارروائي جاري آهي. 16 اپريل کان 4 مئي تائين ٽريفڪ پوليس جي ڪارروائي جي رپورٽ وزيراعليٰ کي پيش ڪئي وئي، جنهن موجب:
31,677 موٽرسائيڪلون هيلمٽ گهربل نه هجڻ ۽ ٽريفڪ قانونن جي خلاف ورزي تي ضبط ڪيون ويون.
2,719 گاڏين تي فينسي نمبر پليٽ ۽ ڪارا شيشا استعمال ڪرڻ تي ڪارروائي ڪئي وئي.
515 ايڇ ٽي وي / ايل ٽي وي لائيسنس ضبط ڪيا ويا، 25 لائيسنس منسوخ ۽ 491 عارضي طور معطل ڪيا ويا.
104 گاڏين جي مالڪن خلاف قانوني ڪارروائي ڪئي وئي.
1 ايڇ ٽي وي / ايل ٽي وي تي اوور اسپيڊنگ، 33 ايڇ ٽي وي / ايل ٽي وي غلط سمت ۾ ڊرائيونگ تي ايڇ ٽي وي / ايل ٽي وي درج ڪيا ويا.
311 گاڏيون ڪورٽ جي تحويل ۾ ڏنيون ويون ۽ 311 ڊرائيورن کي گرفتار ڪيو ويو.
23 بغير رجسٽريشن جي گاڏيون ۽ 32 غير معياري ايل پي جي / سي اين جي ڪٽون ضبط ڪيون ويون.
7,069 جرمانا ڪيا ويا.
وزيراعليٰ سنڌ جو واضح حڪم آهي ته ٽريفڪ قانونن جي خلاف ورزي تي ڪنهن به قسم جي رعايت نه ڏني وڃي. انهن عوام کي پڪاريو ته:
“ٽريفڪ قانونن جي پابندي توهان جي جان جو تحفظ آهي. هيلمٽ استعمال ڪريو، فينسي نمبر پليٽ ۽ ڪارا شيشن کان پرهيز ڪريو. هيوي ٽريفڪ جي رفتار 30 ڪلوميٽر في ڪلاڪ کان وڌيڪ نه هجي. نابالغ ڊرائيورن کي روڪيو ۽ بغير لائيسنس گاڏي هلائيندڙن خلاف سخت اڪشن وٺو.”
انهن ٽريفڪ پوليس کي هدايت ڏني ته سگنلن جي خلاف ورزي، پريشر هارن جي غيرقانوني استعمال، ۽ پيدل هلندڙن لاءِ زيبرا ڪراسنگ تي خاص توجهه ڏني وڃي. عوامي آگاهي مھم ذريعي شھرين ۾ ٽريفڪ قانونن جو شعور وڌائڻ تي زور ڏنو ويو.
عبدالرشيد چنا
ميڊيا ڪنسلٽنٽ، وزيراعليٰ سنڌ
