سجاول (جيوي پاڪستان) سجاول ۾ تعليم جي عالمي ڏينھن تي فلاحي تنظيم پاران تعليم جي واڌاري لاء منعقد تقريب ۾ غريب ٻارڙن کي نظر انداز ڪيو ويو. مسلم ھينڊز پاران تعليم جي واڌاري لاء منعقد تقريب ۾ ضلعي جي سٺ کان مٿي اسڪولن جي ٻارڙن کي دعوت ڏئي گھرايو ويو. جتي من پسند شاگردن ۽ شاگردياڻين کان ٽيبلوز ڪرايا ويا، جڏھن تہ ڪيترن ئي شاگردن ۽ شاگردياڻين کي نظر انداز ڪري مايوس ڪيو ويو. تقريب ۾ ٽيبلوز لاء تياري ڪري ايندڙ ھڪ شاگردياڻي کي ٽيبلوز ۾ حصو نہ ملڻ تي شاگردياڻي اسٽيج تي اچي رڙيون ڪيون تہ اسان کي محنت ڪرائي ڇو نظر انداز ڪيو ويو آھي. من پسند شاگردن ۽ شاگردياڻين کي نوازڻ خلاف اسٽيج تي احتجاج ڪندڙ شاگردياڻي کي مسلم ھينڊز جي ملازمن پاران اسٽيج تان لاھي تذليل ڪرڻ جي وڊيو سوشل ميڊيا تي وائرل ٿي وئي.
Load/Hide Comments
