پريس رليز
ڪراچي (23 جولاءِ 2024) ڊائريڪٽر جنرل سنڌ بلڊنگ ڪنٽرول اٿارٽي عبدالرشيد سولنگي جي صدارت هيٺ ايس بي سي اي لائسنسنگ ڪميٽي جو اجلاس ٿيو. جنهن ۾ نون بلڊرز ۽ ڊولپرز ۽ پروفيشنلز کي گهربل قابليت ۽ انٽرويوز جي بنياد تي تعميراتي ضابطن موجب لائسنس جاري ڪرڻ جي منظوري ڏني وئي. ان موقعي تي پروفيشنلز کي پنهنجي خطاب ۾ ڊائريڪٽر جنرل چيو ته ڪيتريون ئي صنعتون تعميراتي شعبي سان ڳنڍيل آهن، جنهن سبب ان کي خاص اهميت حاصل آهي. تعميراتي صنعت معيشت ۾ اهم ڪردار آهي. تعميراتي صنعت جي ترقي سان لاڳاپيل ڪيترن ئي صنعتن جي ترقي حاصل ڪرڻ ممڪن آهي، جنهن جو ثمر بلڊرز ۽ ڊولپرز ۽ ماهر تعميراتي انجنيئرن کان عام مزدور ۽ ننڍي توڙي وڏي صنعت سان لاڳاپيل هزارين ماڻهن کي روزگار جا وسيع موقعا فراهم ڪري ٿو. هن شعبي جي مثبت سرگرمي سان معيشت تي مثبت اثر پوندا آهن. هن چيو ته اداري طرفان قانوني تعميراتي سرگرمين ۾ وڌيڪ واڌ لاءِ مسلسل سنجيده عملي قدم کنيا پيا وڃن، ان سلسلي ۾ رهائشي پلاٽن تي غير قانوني ڪمرشل اڏاوتن خلاف سخت ترين مهم ۾ رڪارڊ ڪارروايون ڪنهن کان لڪيل ناهن، جڏهن ته رهائشي ۽ ڪمرشل اڏاوتن جي وڌندڙ ضرورتن کي نظر ۾ رکندي پبلڪ سيل پروجيڪٽ ۽ انفرادي گھرن جي منصوبن جي منظوري جي حوالي سان عام شهرين کان وٺي بلڊرز تائين جديد ۽ آسان سهولتن جي فراهمي کي يقيني بڻايو ويو آهي، هن وڌيڪ چيو ته جديد تعميرات جي اهميت کي سمجهندي SBCA توانائي جي بچت ۽ ماحول دوست خصوصيتن سان جديد تعميرات تي ڌيان ڏنو آهي. ان سلسلي ۾ مثبت تبديليون نظر اينديون. ان موقعي تي ڊائريڪٽر جنرل عبدالرشيد اتي موجود چونڊيل پروفيشنلز تي زور ڏيندي چيو ته معياري قانوني تعميرات جي شروعات کان وٺي رهائشي ۽ ڪمرشل پروجيڪٽس ۽ هائوسنگ پروجيڪٽس جي مڪمل ٿيڻ تائين ۽ گهرن جي بلڊنگ پلان جي منظوري به پروفيشنلز تي آهي. انهن جي ٽيڪنيڪل صلاحيتن کي شفاف طريقي سان استعمال ڪرڻ تي هن ڊائريڪٽر لائسنسنگ، سيڪشن آفيسر ۽ لائسنسنگ ڪميٽي جي ڪارڪردگي کي ساراهيو هن لائسنس حاصل ڪرڻ ۾ ڪامياب بلڊرز ۽ پروفيشنلز کي مبارڪباد ڏني، جڏهن ته پيشيوراڻي ذميوارين جي حوالي سان نيڪ خواهشن جو اظهار ڪيو. ان موقعي تي ڊائريڪٽر لائسنسنگ مجاهد عباس منظور ٿيل بلڊرز ۽ پروفيشنلز جي تفصيلن کان آگاهه ڪيو جنهن ۾ دستاويزن جي تصديق ۽ گهربل قابليت جي بنياد تي ڄاڻ ڏيندي اجلاس کي ٻڌايو ويو ته مجموعي طور تي 46 درخواستون مليون، جن ۾ بلڊرز ۽ ڊولپرز لاءِ 24 لائسنس، 07 آرڪيٽيڪٽس، 01 اسٽرڪچرل انجنيئرز، 03 پروفيشنل انجنيئرز جي منظوري ڏني وئي، جڏهن ته 11 مختلف درخواستون گهربل دستاويز نه هجڻ ۽ انٽرويو ۾ غير حاضري سبب رد ڪيون ويون. اجلاس ۾ ڊائريڪٽر لائسنسنگ مجاهد عباس، لائسنسنگ ڪميٽي جي ميمبرن پاڪستان انجنيئرنگ ڪائونسل عارف قاسم، انسٽيٽيوٽ آف آرڪيٽيڪٽس پاڪستان جي انجم عادل ۽ ايسوسيئيشن آف بلڊرز اينڊ ڊولپرز (آباد) جي نمائندن مصطفيٰ شيخاڻي، محمد ايوب ۽ لاڳاپيل آفيسرن سميت درخواست ڏيندڙن، بلڊرز، ڊولپرز ۽ پروفيشنلز شرڪت ڪئي.
ڏوگر
