ڪراچي ( ) اپٽيڪ لرننگ سينٽر اورنگي ٽائون نمبر 5 ۾ هڪ ڏينهن وارو شاندار نوڪري ميلو منعقد ڪيو ويو، جنهن ۾ اورنگي ٽائون سميت سڄي شهر مان نوجوان ڇوڪرين ۽ ڇوڪرن وڏي تعداد ۾ شرڪت ڪئي. نوڪري ميلو ۾ آئي ٽي سان لاڳاپيل ڪيترين ئي مشهور ملڪي ۽ بين الاقوامي ڪمپنين حصو ورتو، جن هزار کان وڌيڪ اميدوارن جا انٽرويو ڪيا ۽ ڪيترن ئي نوجوانن کي جاءِ تي ئي نوڪريون ڏنيون ويون.
مرڪز جي مئنيجر عاقب محمود هن موقعي تي چيو ته “هي نوڪري ميلو اسان جي مشن جو حصو آهي، جنهن جو مقصد اورنگي جهڙن علائقن جي قابل نوجوانن کي باعزت آئي ٽي نوڪريون مهيا ڪرڻ ۽ انهن کي روشن مستقبل ڏانهن وٺي وڃڻ آهي.” هن خاص طور تي مارڪيٽنگ ايگزيڪيوٽو سعد علي خان جي تعريف ڪئي، جنهن نه رڳو هن ايونٽ جي منصوبابندي ۽ مارڪيٽنگ ۾ اهم ڪردار ادا ڪيو، پر سڄي ٽيم جي رهنمائي ڪندي ميلو ڪامياب بڻايو.
ترجمان محمد ڪاشان مطابق، نوڪري ميلو ۾ آئي ٽي، مارڪيٽنگ، ڪسٽمر سروس، ايڊمنسٽريشن ۽ ٻين شعبن ۾ نوڪري جا موقعا فراهم ڪيا ويا. اميدوارن کي نه صرف انٽرويو جو موقعو مليو، پر انهن جي پروفيشنل رهنمائي ۽ ڪيريئر ڪائونسلنگ به ڪئي وئي، جيڪا انهن جي اعتماد ۽ مستقبل لاءِ هڪ مثبت قدم ثابت ٿيندي.
هي نوڪري ميلو اسان جي انهن نوجوانن لاءِ هڪ وڏو موقعو آهي، جيڪي آئي ٽي سکڻ ۾ مصروف آهن. تنهن ڪري، اوهان سڀني کي اپٽيڪ اورنگي سينٽر جوائن ڪرڻ گھرجي. هن ڪوشش ذريعي اپٽيڪ پاڪستان جي آئي ٽي سيڪٽر ۾ پڻ اهم ڪردار ادا ڪري رهيو آهي.
