مها ڪمڀ، جيڪو 13 جنوري کان 26 فيبروري تائين هلندو آهي، دنيا جي سڀ کان وڏي مذهبي گڏجاڻين مان هڪ آهي، جتي لکين ماڻهو گنگا، جمنا ۽ سرسوتي جي سنگم تي روحاني سڪون ڳولڻ لاء ايندا آهن.
ان دوران، سڄي دنيا مان عقيدتمند سنگم تي آسن (غسل) وٺندا. سنگم اهو هنڌ آهي جتي هندو عقيدي موجب مقدس نديون گنگا، جمنا ۽ افسانوي سرسوتي ملن ٿيون.
اتر پرديش جي پرياگراج ۾ جاري مها ڪمڀ ۾ وضو ڪرڻ لاءِ مقدس سنگم تي لکن جي تعداد ۾ عقيدتمند گڏ ٿيا. هي ميلو نه رڳو پنهنجي مذهبي اهميت جي ڪري مشهور آهي پر مختلف منفرد شخصيتن ۽ دلچسپ واقعن جي ڪري توجه جو مرڪز به رهي ٿو.
تازو، هڪ نوجوان ڇوڪري سادھوي جي لباس ۾ مها ڪمڀ ۾ ڌيان جو مرڪز بڻجي وئي. سوشل ميڊيا تي وائرل ٿيندڙ وڊيو ۾ کيس سڀ کان خوبصورت ساڌوي قرار ڏنو ويو، پر جلد ئي اهو واضح ٿي ويو ته هوءَ اصل ۾ سادھوي ناهي، پر هرشا رچاريا نالي هڪ ميزبان ۽ سوشل ميڊيا انفلوئنسر آهي.
